Bøker i Bø 2.-4. mai 2014

Besøk den nye heimesida vår: http://www.bokeribo.no

 

 

Bøker i Bø 2013

Håkken, hårre og hått på Bøker i Bø 2013:

Bøker i Bø 3.-5. mai 2013 – Festivalprogrammet

Fredag 3. mai
Kl. 17:00 Bø bibliotek: Friby for forfølgde forfattarar.
Abdullahi Muhiaddin frå Somalia/Skien, Dessale Abraham frå Eritrea/Bø, Marianne Hovdan frå ICORN og Tore Håndstad frå Bø kommune i samtale med Hilde Eika Nesje, redaktør i Bø blad. Gratis.

Kl. 19:30 Gullbring: Opningsfest
med Edvard Hoem, Kjell Askildsen, Mona Høvring, Marita Fosssum, Geir Gulliksen, Even Rasmussen,Telemark strykekvartett, forfattarstudentar m.fl. Utdeling av årets Bøker i Bø-pris.Utstilling. Bar/servering. Inngang med festivalpass eller enkeltbillett 250,-/200,- (eks avg.) Dørene opnar kl. 19.00.

Kl. 22:00 Vertshuset: Lanseringfest
for årets studentantologi med forfattarane Sigmund Løvåsen og Anne Oterholm, årets forfattarstudentar DJ m.fl.Gratis.

Laurdag 4. mai
Kl. 11:00– Maimarknad på torget: Kåring av vinnar av Bø mållag sin skrivekonkurranse for ungdom, stunts og aktivitetar i Bø sentrum – i samarbeid med Sentrumsringen i Bø.

Kl. 11:00 Akademika: Akademisk kvarter
med Peter Fjågesund og Ole Robert Sunde – samtale om D H Lawrence sin forfattarskap. Skodespelaren Even Rasmussen les frå Regnbuen omsett til norsk av Peter Fjågesund.Gratis.

Kl. 12:00 Biblioteket: Bokbeite for dei minste med Gyrid Axe Øvsteng og Per Ragnar Møkleby. Gratis.

Kl. 13:00 Vertshuset: Bokbad.
Per Petterson i samtale med Gina Winje.
Inngang med festivalpass eller enkeltbillett kr 150,-/100,- (eks avg)

Kl. 14:00 Biblioteket:
I skjæringspunktet mellom skjønnlitteratur og sakprosa; om disseksjon og hjartesaker med Espen Stueland og Kristina Leganger Iversen i samtale med Ole Martin Høystad. Gratis.

Kl. 15:30 Vertshuset: Bokbad.
Kjell Askildsen i samtale med Rune Christiansen.
Inngang med festivalpass eller enkeltbillett kr 150,-/100,- (eks avg)

Kl. 19:30 Gullbring:
Boksalong.
Opplesing med Mona Vetrhus og Arne Borg. Opplesing og presentasjon av romanen “Krigen var min families historie” av Ole Robert Sunde, årets norske nominasjon til Nordisk råds litteraturpris.Forfattarmøte med Per Petterson, Mona Høvring og Anne Oterholm i samtale med KajaMarie Lereng Kvernbakken. Bar/servering. Inngang med festivalpass eller enkeltbillett kr 250,-/200,- (eks avg) Dørene åpnar kl 19:00.

Kl. 22:00 Låven:
Konsert med Stein Torleif Bjella Band. Bø Jazzklubb. Inngang med eigen billett 250,-/200,- (eks avg). Gjester med festivalpass betalar 200,- eks avg. (Dørene opnar kl. 21:00).

Sundag 5. mai
Kl. 11:00 Akademika – bokhandelen opnar: Filosofisk hjørne.Økofilosofen Per Ingvar Haukeland om “Det å være menneske er også noe.” Noen livsfilosofiske smuler i anledning Søren Kierkegaard sin 200-års dag. Gratis.

Kl. 12:00 Bø hotell til Bø gamle kyrkje: Vandring i det grøne med Eldrid Lunden, opplesing, Ottar Kåsa, hardingfele og Finn Rønning, forteljing.Gratis.

Kl. 14:00 Bø prestegard: Musikken eller livet!- ein poesikonsert.
Edvard Hoem les rufsete dikt om havet, døden, kjærligheten og musikken, og fortel historier frå sitt førti år lange forfattarliv. Hilde Brunsvik (vokal) og Dag-Filip Roaldsnes (piano) spelar Hoem-songar i mange fargar. Inngang med festivalpass eller enkeltbillett kr 150,-/100,- (eks avg) – nb her kan det bli utseld!

Bøker i Bø har i år eit større formidlingsprogram til skule- og barnehagebarn. Abdullahi Muhiaddin og Kristina Leganger Iversen besøker Bø ungdomsskule, Dessale Abraham, Astrid Holtskog, Gyrid Axe Øvsteng og Ragnar Møkleby besøker barneskulane og Marit Heier Lajord skal til barnehagane.

Det er nå mulig å forhåndskjøpe billetter til enkelte arrangementer via nettsidene til Gullbring kulturanlegg. 

Andre spørsmål og forespørsler i forbindelse med Bøker i Bø kan rettes til bokeribo@gmail.com.

Følg oss også på Facebook!

 

Mvh,

Bøker i Bø

bokeribo@gmail.com

48 20 50 66 / 95 70 40 48

Bøker i Bø 2013

Fjorårets første utgave av Bøker i Bø gikk over all forventning, og vi gleder oss voldsomt til å kunne tilby flere spennende litterære stevnemøter 3. – 5. mai 2013. Andre utgave av Bøker i Bø begynner å ta form, og vi er både glade og stolte over å kunne tilby muligheten til å bli bedre kjent med to av norsk samtidslitteratur virkelige bautaer under årets festival. Per Petterson og Kjell Askildsen har begge takket ja til å besøke et vårvakkert Bø i Telemark i mai.

Bøker i Bø skal være en unik litteraturfestival i nasjonal sammenheng.; ung, modig og aktuell. Festivalen har sitt utspring fra Forfatterstudiet i Bø, hvor mange av dagens etablerte forfattere har sin kilde, samtidig som nye skudd kommer til hvert år.

Vi sees i mai!

 

Mvh,

Bøker i Bø 

Image

 

Ei stor takk til…

Då var den første utgåva av Bøker i Bø vel overstått, og me vil gjerne få takke alle som har bidrege til at helga gjekk over all forventning med fleire interessante og minneverdige forfattarmøte.

Ei stor takk til våre forfattargjestar..

Eldrid Lunden, Dag Solstad, Mona Høvring, Merethe Lindstrøm, Marita Fossum, Hanne Ørstavik, Anne Oterholm, Bård Torgersen, Bjørn Esben Almaas, Lina Undrum Mariussen, Ingrid Z. Aanestad, Inger N. Bråtveit, Aina Villanger, Chenjerai Hove, Agnes Ravatn, Leif Høghaug, Øivind Hånes, Merete Junker, Vidar Sundstøl, Anders Odden og alle årets forfattarstudentar.

Ei stor takk til våre dyktige konferansierar og bidragsytarar..

Gina Winje, Hilde Eika Nesje, Simen Dysvik Hagen, Kaja Marie Lereng Kvernbakken, Ann Kristin Grinden, Harald Nordbø, Olav Kasland, Arild Hovland, Marianne Hovdan, Ove Gaathaug og Otto Christensen.

Ei stor takk til våre musikalske følgjesvenner..

Telemark strykekvartett v/Wiggo Dahl, Birgit Hoffmann, Ragnhild Knudsen og Målfrid Ljønes Kvålo, Dánjal, Ni Liv og Magenta.

Ei stor takk til alle våre samarbeidspartnarar, støttespelarar og friviljuge..

Norsk forfattarsentrum, ICORN, Sentrumsringen v/Frode Odberg, Helge Solbeg og Heidi Kjellsen Bærland, Akademika Bø, Kroa i Bø, Restaurant Den Gode Nabo, Meierismuget, Bø bibliotek, Gullbring kulturanlegg, Bø hotell, Bø Lyd og Scene v/Knut Eirik Hult, Superlativ, Ingebjørg Nordbø, Åsne Dahl Haugsevje, Elisabeth Rett, Heidi Christoffersen, Gyrid Kvaale,  Benjamin Böhmer, Henriette Hope, Rita Mienna, Roar Torstveit, Anne Gry Gudmundsdotter Sturød, Bø Jazzklubb, Telemarkfestivalen, Reisemål Bø, Midt-Telemark Næringsutvikling, Telemark fylkeskommune og Fritt Ord.

Og ikkje minst ei stor takk til publikum!

Me sjåast til neste år!

Mvh,

Bøker i Bø

v/Rune Christiansen, Hilde Pedersen og Kristoffer Mosfjeld



Det nærmar seg festivaltid!

BØKER I BØ, 4.-5. mai 2012

Om Bøker i Bø

Bøker i Bø vil vere ein unik litteraturfestival; ung, modig og aktuell, og programmet skal spegle dette unge, modige og aktuelle i samtidslitteraturen gjennom samtalar mellom unge og etablerte forfattarar, og i møte med spennande forfattarskap og gode tekstar. Årets Bøker i Bø kan skilte med 20 forfattarar på plakaten. Bøker i Bø spring ut i frå Forfattarstudiet ved Høgskolen i Telemark med Eldrid Lunden og Rune Christiansen som drivkrefter. Studiet feirar 30-årsjubileum i år og mange av dagens etablerte forfattarar har sin bakgrunn frå Forfattarstudiet, og kvart år kjem nye skot til!

Bøker i Bø blir arrangert for første gang i 2012 og er eit prosjekt i regi av Bø kommune i samarbeid med Midt-Telemark Næringsutvikling, Høgskolen i Telemark, Sentrumsringen i Bø og engasjerte leselystne bokelskarar. Prosjektet har fått støtte frå Fritt Ord og Telemark fylkeskommune.

Ansvarleg arrangør: Bø kommune. Festivalkoordinatorar: Kristoffer Mosfjeld og Hilde Pedersen.

PROGRAM OG FORFATTARAR

Fredag 4. mai

Skulebesøk

Inger N. Bråtveit besøker Bø ungdomsskule og Bø vidaregåande skule kl. 10.00-13.00.

Litterær suppestasjon

Kjøkkenet på restaurant Den Gode Nabo diskar opp med nydeleg suppe både fredag og laurdag. Her kan du sitte i avslappande omgjevnader og diskutere tendensar i norsk samtidslitteratur over ei skål varm suppe og kanskje med noko godt i glaset.

Restaurant Den Gode Nabo. Fredag 4. mai, kl 16:00 – 19:00. Gratis inngang. Suppe kr 90,-.

Om Bø som forfattarfriby

Bø fekk status som friby for forfølgde forfattarar i 2011. Marianne Hovdan frå stiftinga ICORN (International Citis of Refuge Network), forfattaren Chenjerai Hove frå Zimbabwe og Ove Gaathaug frå Skien folkebibliotek, fortel frå ulike perspektiv om kva det vil seie å vere ein friby for forfølgde forfattarar. Chenjerai Hove (f 1956) kom til Stavanger som fribyforfattar i to år frå februar 2005. Han bur framleis i eksil. Hove skriv både på engelsk og sitt eige morsmål shona. To av romanane er omsette til norsk: “Knokler” (1990) og “Skygger” (1992). Hove var medredaktør i publikasjonen “Writers, Writing on Conflicts and Wars in Africa” (2009).

Bø bibliotek. Fredag 4. mai, kl 17:30 – 18:30. Gratis inngang.

Opningsfest i Gullbring
Opningsfest med forfattarane Eldrid Lunden, Anne Oterholm, Lina Undrum Mariussen, Aina Villanger, Inger N. Bråtveit, Leif Høghaug og to av årets forfattarstudentar; Kaja Marie Lereng Kvernbakken og Simen Dysvik Hagen. Tonefølgje ved Telemark strykekvartett; Wiggo Dahl og Birgit Hoffmann, fiolin, Ragnhild Knudsen, bratsj og Målfrid Ljønes Kvålo, cello. Utdeling av den første Bøker i Bø-prisen ved ordførar Olav Kasland og markering av forfattarstudiets 30-årsjubileum. Programleiar: Gina Winje.

Eldrid Lunden (f 1941) er ein markant poet og forfattar. Ho var med på å starte Forattarstudiet ved Høgskulen i Telemark i 1982, og i 1996 blei ho Norges første professor i skrivekunst. Lina Undrum Mariussen (f 1980) er vinnar av Tarjei Vesaas Debutantpris i 2012 for debutboka«Finne deg der inne og hente deg ut». Inger N. Bråtveit (f 1978) debuterte i 2002 med romanen ”Munn mot ein frosen fjord” og hennar andre roman ”Siss og Unn” kom i 2008. Aina Villanger (f 1979) er frå Skien. Ho debuterer i 2012 med samlinga “langsang – et flytans habitat”. Anne Oterholm (f 1964) debuterte i 1995 med romanen ”Ikke noe annet enn det du vil”. Romanen «Toget fra Ajaccio» kom i 2009. Ho var leiar av Den norske forfatterforening i perioden 2005-2012. Leif Høghaug (f 1974) har undervist på Forfattarstudiet og er forfattar, litteraturvitar og redaktør i Bokvennen forlag. Gina Winje har bakgrunn frå bokbransjen og er kultursjef i Porsgrunn kommune.

Storsalen i Gullbring. Fredag 4. mai, kl 19:00 – 21:00. Billettar: Festivalpass / 220,- / 165,-. Servering. 

Litterær quiz

Quiz´en på «Nabon» kvar fredag har i fleire år trimma dei små grå og skapt både glede og frustrasjon hos deltakarane. Denne fredagen får quiz´en eit merkbart litterært preg. Kven skreiv «Fuglane»? Kvar kjem Paulo Coelho frå? Kven vann Nobels litteraturpris i 2010? Her kan du verkeleg få testa dei litterære kunnskapane, og vi kan også love fine premiar til vinnarlaget!

Restaurant Den Gode Nabo. Fredag 4. mai, kl 21:00 – ca. 23:30. Gratis inngang.

Bokbad med Anders Odden

I boka «Piratliv» stadfestar Anders Odden alle mytene om sex, drugs and rock`n roll; eit dykk inn i tilværet som rockestjerne. Det vil også bli konsert med Magenta etter bokbadet.

Kroa i Bø. Fredag 4. mai, kl 21:00 – 02:00. Eigen billett.

Lanseringsfest

Årets kull med forfattarstudentar presenterer eigne tekstar frå antologien «Tekster som kunne blitt tannpirkere». Forfattarstudentane har gjennom heile året presentert etablerte forfattarar i forumet «Bok & Børst». Nå står dei sjølv i søkjelyset. Høyr eit mangfald av morgondagens litterære røyster allereie no. Lanseringsfesten glir umerkeleg over i Klubb Luna med DJ Audun Vinger som står bak eit av landets mest populære klubbkonsept «Contagious». Det dreier seg om farleg smittande soul frå 60-talet som får deg til å danse i takt eller utakt. Audun Vinger (f 1974) er journalist og redaktør for tidsskriftet Vinduet (Gyldendal forlag).

Luna Bar på Bø hotell. Fredag 4. mai frå kl 21:00. Gratis.

Laurdag 5. mai

Bøker i Bø hos Akademika
Akademika presenterer forfattarane Agnes Ravatn og Øivind Hånes, og inviterer til

Filosofisk hjørne med Otto Martin Christensen om sanninga i litteraturen.Agnes Ravatn er aktuell med essaysamlinga “Folkelesnad”(2011). Øivind Håneser utdanna musikkpedag og i tillegg til sin skjønnlitterære forfattarskap, har Hånes gitt ut ei rekkje faktabøker om mat og vin. Otto Martin Christensen er førsteamanuensis ved Høgskolen i Telemark.

Akademika. Laurdag 5. mai, kl 10:00 – 12:00. Gratis inngang.

Maimarknad på Bø torg

Underhaldning, marknad, auksjon, bruktbokmarknad, lesekrok, Bø ungdomskorps, Jon Solberg.

Bø torg, kl 11:00 – 16:00

Bokbad med Merethe Lindstrøm i samtale med Hilde Eika Nesje

Merethe Lindstrøm debuterte med novellesamlinga «Sexorcisten og andre fortellinger» i 1983, og sidan har ho gitt ut fleire novellesamlingar, romanar og ei barnebok. «Dager i stillhetens historie» (2011) er hennar siste roman, og for denne er ho tildelt Nordisk råds litteraturpris i 2012. Hilde Eika Nesje er journalist og redaktør i Bø blad.

Bø bibliotek. Laurdag 5. mai, kl 12:00 – 13:00. Gratis inngang.

Lesemaraton på Meierismuget

Bøker i Bø inviterer til tre spennande møte mellom markante forfattarar.

Aktuelt møte: Hanne Ørstavik og Mona Høvring med programleiar Kaja Marie Lereng Kvernbakken.

Hanne Ørstavik (f 1969) debuterte med romanen «Hakk» i 1994, har gitt ut til saman ni romanar, og er aktuell med ”Hyenene” (2011). Mona Høvring (f 1962) har gitt ut fem diktsamlingar, den siste ”Ekornet og den vaklevorne brua” (2010). Hennar første roman ”Noe som hjelper” kom i 2004. Kaja Marie Lereng Kvernbakken er student ved Forfattarstudiet i Bø.

Modig møte: Ingrid Z. Aanestad, Marita Fossum og Dag Solstad med programleiar Simen Dysvik Hagen.

Ingrid Z. Aanestad (f 1983) ga ut romanen “Stormkyss” i 2010 og har tidlegare gitt ut romanane “I dag er ein fin dag” (2006) og “Eg kjem med toget” (2008). Marita Fossum (f 1965) debuterte i 2002 med romanen «Verden utenfor». «Lykksalighet» er den femte romanen hennar (2011). Dag Solstad (f 1941) debuterte med novellesamlinga «Spiraler» i 1965. Han er ein av landets mest markante forfattarar. Hans siste ”17. roman” kom i 2009. I 2011 blei Dag Solstad tildelt Statens æreslønn. Simen Dysvik Hagen er student ved Forfattarstudiet i Bø.

Kriminelt møte mellom to telemarkingar:Vidar Sundstøl i møte med Merete Junker med programleiar Harald Nordbø.

Vidar Sundstøl (f 1963) bur i Bø. Han debuterte med romanen ”Kommandolinjer” i 2005, og mottok Rivertonprisen i 2009 for thrillerromanen «Drømmenes land», den første i den kritikarroste Minnesota-trilogien. Merete Junker (f 1959) er frå Skien Ho debuterte som forfattar i 2008, og er aktuell med krimromanen “Pumasommer” (2012).

Meierismuget. Laurdag 5. mai, kl 13:30 – 16:30. Billettar: Festivalpass / 220,- / 165,-

Litterær suppestasjon + open mic

Det blir meir suppe på Den Gode Nabo. Som siderett får du servert opplesing m.m. med Bjørn Esben Almaas, Bård Torgersen, Aina Villanger og Inger N. Bråtveit. Vi vil også opne mikrofonen for dei som elles måtte ønskje å lette på hjartet.

Bjørn Esben Almaas (f 1975) debuterte i 2001 med den kritikarroste novellesamlinga «Costa del Sol». «Sov eller snakk om kjærlighet» (2009) er Almaas’ siste roman. Bård Torgersen (f 1967) debuterte med den kritikarroste romanen «Alt skal vekk» i 2005. Han er ein markant artist, musikar og skribent. Nøytral” (2011) er hans fjerde roman.Inger N. Bråtveit (f 1978) debuterte i 2002 med romanen ”Munn mot ein frosen fjord” og hennar andre roman ”Siss og Unn” kom i 2008. Aina Villanger (f 1979) er frå Skien. Ho debuterer i 2012 med samlinga “langsang – et flytans habitat”.

Restaurant Den Gode Nabo. Laurdag 5. mai, frå kl 17:00. Gratis inngang. Suppe kr. 90,-.

Dánjal på Vertshuset

«Musikken til Dánjal er fra der klezmer hilser på Tom Waits, Øst-Europa kolliderer med Gambia og tango møter rock i en sfære der musikere fra hele Norden forenes til en unik haug av inntrykk og uttrykk». Pianisten Dánjal frå Færøyene har fått med seg musikarar frå Finland, Sverige og Danmark til dette fantastiske livebandet som rett og slett bare må opplevast!

Vertshuset. Laurdag 5. mai. Dørene opnar kl 20:00 med konsertstart kl 21:00. Billettar: 100,-/150,-

Ni Liv på Skogen

Ni Liv vart i år nominert til Spellemannspris i klassa “country”. Med eit fengande musikalsk bakteppe framfører Ni Liv sine lune kvardagsbetraktningar på ekte Bø-mål. Konserten på Skogen gård blir foreviga med innspeling av ein live-CD og live-DVD, og bandet lovar å gjere sitt beste for å skape ein minneverdig festkveld på Skogen gard.

Skogen Gård. Laurdag 5. mai. Dørene opnar kl 21:30 med konsertstart kl 22:30. Billettar: 200,-.

Bøker i Bø
Gullbringvegen 34, N-3800 Bø i Telemark

bokeribo@gmail.com

bokeribo.wordpress.com

Følg oss på Facebook og Twitter.

Håkken e desse forfattarane då?

Image

Eldrid Lunden

Eldrid Lunden er fødd i 1940 i Naustdal i Sunnfjord. Ho er utdanna cand. philol. ved Universitetet i Oslo og jobba ei tid som lærar i ungdomsskule og gymnas, og deretter ved Høgskulen i Volda, før ho i 1982 var med å starte Forattarstudiet i Bø, ved Høgskulen i Telemark. I 1996 vart ho Norges første professor i skrivekunst. Eldrid Lunden debuterte med diktsamlinga «F. eks juli» i 1968. Dikta hennar har blitt omsette til fleire språk, og ho har motteke ei rekkje prisar. Ho blir i dag sett på som ein stilskapar innan norsk og nordisk poesi, og som poet, tidsskriftmedarbeidar, kritikar og pedagog har Lunden hatt ein sentral posisjon innan samtidslitteraturen dei siste 20 åra.

Dag Solstad

Dag Solstad er fødd i 1941 i Sandefjord. Han debuterte med novellesamlinga «Spiraler» i 1965, og har sidan vore ein av landets mest markante forfattarar. Solstad har fått Kritikerprisen tre gonger, og i 1989 mottok han Nordisk råds litteraturpris for «Roman 1987». Han har også motteke mellom anna Doblougprisen, Språklig samlings litteraturpris, Aschehougprisen, Gyldendalprisen, Brageprisen og Brages hederspris. For «Genanse og verdighet» vart han nominert til Independent Foreign Fiction Prize i Storbritannia (2007), til Le Prix Femina i Frankrike (2008), og boka vart kåra til 1990-tallets beste roman i Århundrets bibliotek. 17. roman kom i 2009. I 2011 vart Dag Solstad tildelt Statens æreslønn for  forfattarskapen. Bøkene hans er omsette til 27 språk.

Mona Høvring

Mona Høvring (f 1962) har gitt ut diktsamlingane «IIK!! Ein dialog» (1998), «Ensomme badedager og andre dikt» (2000), «Helt vanlige mirakler» (2006) og «Å paradis» (2008). Hennar første roman, «Noe som hjelper» kom i 2004 og vart nominert til Årets bok i Bokklubben Kursiv same år. I 2006 vart diktet ”Fersken, Plomme, Pære” frå diktsamlinga «Helt vanlige mirakler» nominert til årets dikt av programmet Ordfront på NRK P2. «Helt vanlige mirakler» vart også nominert til Ungdommens Kritikerpris i 2007.

Anne Oterholm

Anne Oterholm (f 1964) i Illinois i USA. Ho er ein stilsikker minimalist som i dei handlingsfattige kortromanane «Ikke noe annet enn det du vil (1995) og «Avbrutt selskap» (1996) tek opp erotiske motiv på ein original måte. Meir filosoferande er «Avslutningen» (1999). «Tilfeldigvis begjær «(2001) er ein stilistisk gjennomført roman om lyst og kjeisamheit. «Etter kaffen» (2002) og «Sannheten» (2004) viser same sikre grep om litterære verkemidlar og struktur. Anne Oterholm ga i 2009 ut «Toget fra Ajaccio», ein fortetta roman om ein mann på reise gjennom Sør-Frankrike. Heime i Noreg sit hans kvinnelege tremenning og skriv historia hans ved hjelp av dagboknotat som han sender henne. Oterholm fekk Aschehougprisen i 2010. Ho var leiar av Den norske forfatterforening i perioden 2005-2012.

Marita Fossum

Marita Fossum (f 1965) debuterte i 2002 med romanen «Verden utenfor». Ho vart tildelt Tanums kvinnestipend i 2005, og for sin tredje roman, «Forestill deg», fekk ho Brageprisen. For romanen «Kjære gjetergutt» (2006) fekk ho Bokhandelens forfatterstipend. «Lykksalighet» er den femte romanen hennar (2011).

Ingrid Z. Aanestad

Ingrid Z. Aanestad (f 1983) er frå Klepp på Jæren. Ho er aktuell med romanen “Stormkyss” frå 2010 og har tidlegare gitt ut romanane “I dag er ein fin dag” (2006) og “Eg kjem med toget” (2008). Ho studerte ved Forfattarstudiet i Bø og seinare ved Litterär gestaltning i Göteborg.

Inger Bråtveit

Inger Bråtveit (f 1978) er frå Suldal. Ho debuterte i 2002 med romanen «Munn mot ein frosen fjord», som ho fekk Nynorsk litteraturpris for. Ho har vore medredaktør av litteraturtidsskriftet Vagant, og ho har arbeidd som omsetjar for Det Norske Bibelselskap sitt prosjekt «Bibel 2010» – ein fullstendig revisjon av nynorsk -og bokmålsutgåva av Bibelen. Hausten 2008 kom Bråtveits andre roman «Siss og Unn», ein roman om mødrer og døtrer, om å klara seg og å gå til grunne. Inger Bråtveit fekk sølvmedaljen i Dag og Tid si kåring av Årets Beste Nynorskbok 2008 for «Siss og Unn», utan å vera nominert. Ho vart også nominert til Kritikerprisen. I 2009 fekk Bråtveit Bjørnsonstipendet, Bokhandlerforeningens forfatterstipend. I 2010 mottok ho Suldal Mållags målpris.

Image

Chenjerai Hove

Chenjerai Hove er fødd i 1956 i Zvishavane i sørlege Zimbabwe. Han er poet, romanforfattar, skribent og essayist. Hove var grunnleggjar og leiar av forfattarforeninga i Zimbabwe, leiar for Zimbabwe PEN, var med på å starte Zimbabwe Human Rights Organisation (ZimRights) og var med i leiinga av ZimRights i mange år. Han har gitt ut eit høgt tal diktsamlingar og romanar. Han har dessutan vore skribent i mange aviser, og har i ei årrekkje retta eit kritisk søkejlys på styresmaktene i Zimbabwe. Hove flykta frå Zimbabwe i 2001, etter drapstruslar mot han sjølv og familien på grunn av regimekritikken hans. Han var fribyforfattar i Rambouillet i Frankrike 2002-2005, og kom til Stavanger som fribyforfattar i to år frå februar 2005. Han bur framleis i eksil. Hove skriv både på engelsk og sitt eige morsmål shona. To av romanane er omsett til norsk: “Knokler” (1990) og “Skygger” (1992). I 2009 var han medredaktør i publikasjonen “Writers, Writing on Conflicts and Wars in Africa”.

 

Aina Villanger

Aina Villanger er fødd i Skien i 1979. Ho held på med ein master i estetikk ved Universitetet i Oslo og har studert ved Skrivekunstakademiet i Hordaland og ved fleire kunstskular, mellom anna ved Nordland Kunst- og filmskole. Aina Villanger debuterer med samlinga “langsang – et flytans habitat” i 2012.

Hanne Ørstavik

Hanne Ørstavik er fødd i 1969 i Finnmark. Ho debuterte med romanen «Hakk» i 1994, og har utgitt til saman ni romanar. Hanne Ørstavik har mottatt ein rekkje litterære prisar, mellom anna Brageprisen, Sultprisen, P2-lytternes romanpris, Amalie Skram-prisen, Oktoberprisen og Doblougprisen. I 2007 fekk ho Aschehougprisen for heile forfattarskapen, og bøkene hennar er omsette til 17 språk. Hanne Ørstavik er aktuell med romanen “Hyenene” frå 2011.

Merete Junker

Merete Junker (f 1959) er frå Skien, der ho framleis bur. Ho er utdanna cand.mag frå Universitetet i Oslo med fagkrinsen kriminologi, historie og statsvitskap. Merete Junker har jobba som journalist i radio og aviser, og som lærar i mediefag i den vidaregåande skulen. Ho debuterte som forfattar i 2008, og er aktuell med krimromanen “Pumasommer” i 2012.

Image

Vidar Sundstøl

Vidar Sundstøl er fødd i 1963. Han er opprinneleg frå Drangedal, og har tidlegare budd i Minnesota i USA, men er nå busett i Bø i Telemark. Sundstøl gjekk på Forfattarstudiet i Bø i 1987, og debuterte litterært i 2005 med romanen «Kommandolinjer». I 2006 kom hans andre roman, «I Alexandria». Den tredje romanen, «Tingene hennes», vart utgitt i 2007. I 2009 fekk han Rivertonprisen for den psykologiske thrillerromanen «Drømmenes land», ein historisk kriminalroman som har handling frå det norsk-amerikanske miljøet i Cook County i Minnesota. Boka er den første i Minnesota-trilogien, og hausten 2009 kom oppfølgjaren «De døde». Minnesota-trilogien blei fullført i 2011 med «Ravnene». Sundstøl er omsett til flerie språk.

Image

Merethe Lindstrøm

Merethe Lindstrøm (f 1963) debuterte med novellesamlinga «Sexorcisten og andre fortellinger» i 1983, og sidan har ho skrive fleire novellesamlingar, romanar og ei barnebok. Karakteristisk for forfatterskapen hennar er fokuset på moderne menneske sin søken etter andre og etter meining. Mest merksemd har ho fått for novellesamlinga «Svømme under vann» (1994) og romanane «Steinsamlere» (1996) og «Stedfortrederen» (1997). For novellesamlinga «Gjestene» (2007) var ho innstilt til Nordisk råds litteraturpris 2008 og nominert til Kritikerprisen for beste vaksenbok 2007. Ho er tildelt Dobloug-prisen 2008 for sin samla forfatterskap. «Dager i stillhetens historie» (2011) er hennar siste bok, og for denne er ho tildelt Nordisk råds litteraturpris i 2012 og Kritikerprisen for beste vaksenbok. Boka blei også nominert til Ungdommens kritikerpris og P2-lytternes romanpris. http://www.nrk.no/nyheter/kultur/litteratur/1.8099398

Lina Undrum Mariussen

Lina Undrum Mariussen kjem frå Bjølsetgrenda i Elverum, og er fødd i 1980. «Finne deg der inne og hente deg ut» er hennar første bok og for denne mottok ho Tarjei Vesaas Debutantpris i 2012 og blei nominert til Norlis debutantpris. Frå Lina Undrum Mariussens bloggprofil: “har pensko, møkkesko, sykkel med to gir, liker åker, skog, fjell & livet på landet & bønder i byen. Kommer fra Elverum, bor ved Østmarka i Oslo”.

Image

Agnes Ravatn

Agnes Ravatn er fødd i 1983. Ho debuterte i 2007 med romanen “Veke 53” (Samlaget), som vart belønna med Natt&Dags “Bergensprisen” for beste bok i 2007, Sokneprest Alfred Andersson-Ryssts fond i 2008, og Rogaland Fylkeskommunes litteraturstipend i 2008. I 2009 kom essaysamlinga “Stillstand. Sivilisasjonskritikk på lågt nivå”. I 2011 kom “Folkelesnad”, ei essaysamling om norske ukeblad og magasin. Ho abeider som journalist i Dag og Tid. Ravatn fekk Språkprisen for nynorsk i 2011 for Stillstand og Folkelesnad.

Øivind Hånes

Øivind Hånes er fødd 1960 i Krokstadelva, og er busett i Köln i Tyskland. Han debuterte som forfattar med romanen «som vil deg isbre for isbre» i 1991. Hånes er utdanna musikkpedagog og har brei arbeids- og yrkeserfaring som lærar, skribent, redaktør, musikar, komponist, plateprodusent og forfattar. I tillegg til sin skjønnlitterære forfattarskap, har Hånes gitt ut ei rekkje faktabøker om mat og vin. Som musikar har han utgitt fleire CD-plater. Bøkene hans er omsette til tysk, spansk, nederlandsk, russisk og litauisk. For romanen Pirolene i Benidorm (2005) blei han nominert til Nordisk råds litteraturpris. Hånes ga ut romanen “An der schönen blauen Donau” i 2011.

Bjørn Esben Almaas

Bjørn Esben Almaas  (f 1975) er frå Ski. Han debuterte i 2001 med den kritikarroste novellesamlinga «Costa del Sol». I 2003 kom hans første roman «Katzenjammer». Han har også laga kortfilm og skrive filmmanus. «Sov eller snakk om kjærlighet» (2009) er Almaas’ andre roman.

Bård Torgersen

Bård Torgersen (f 1967) er frå Rykkinn, men bur i Oslo. Torgersen debuterte med den kritikarroste romanen «Alt skal vekk» i 2005. Han har sidan gitt ut romanane «Det siste dyret» (2007) og «Maskinens uerstattelige deler» (2009) og diktsamlinga «Hei horunger». Romanane hans skildrar menneske som, frivilleg eller ufrivilleg har hamna i randsonane til den norske fellesskapen. Dei viser eit samfunn som er i ferd med å rakne, der ubehag og brutalitet lurar under kvardagens overflate.
 «Nøytral» (2011) er hans fjerde roman. Sidan midten av nittitallet har Torgersen også markert seg som artist, musikar – og skribent med ei tydeleg stemme i publikasjonar som Natt&Dag og Dagbladet, samt med antologien «Fullt Kaos. Fritt Fram» (Aschehoug).



Bokbad, lesemaraton, litterær suppestasjon, forfattarmøte, opningsfest

 Ung, modig og aktuell

Den første utgåva av litteraturfestivalen Bøker i Bø presenterer eit sterkt program; aktuelle forfattarskap, spennande møte  mellom unge og etablerte forfattarar og møte med nokon av dei nyaste røystene i det norske litterære landskapet.

Bokbad med Merethe Lindstrøm.

Dag Solstad møter Marita Fossum og Inger Z. Aanestad.
Hanne Ørstavik møter Mona Høvring.
Merete Junker møter Vidar Sundstøl.

Eldrid Lunden, Lina Undrum Mariussen, Aina Villanger, Anne Oterholm, Inger N. Bråtveit, Bjørn Esben Almaas, Bård Torgersen, Chenjerai Hove, Leif Høghaug, Agnes Ravatn og Øivind Hånes.

Lansering av årets studentantologi med forfattarstudentane og DJ Audun Vinger. 

Informasjon om billettar

På nokre av programpostane er det slik at ein må kjøpe billett for å kunne kome inn. Dette gjeld opningsfesten i Storsalen i Gullbring fredag kveld, samt forfattarmøta på Meierismuget laurdag ettermiddag og dei to konsertane laurdag kveld. Alle andre arrangement er gratis.

  • Informasjon om billettar:
    Billetter kan kjøpast på nett på www.gullbring.no / eller reserverast på tlf 35060390 eller kjøpast ved inngangen.

    Prisar: 
    Festivalpass kr 300,- / 200,- (gir adgang til alle arrangement ekskl. konsertane på laurdag)
    Opningsfest i Gullbring 4. mai kl. 19.00 enkeltbillett kr 220,- / 165,-
    Lesemaraton på Meierismuget 5. mai kl. 13.30-16.30 enkeltbillett          kr 220,- /165.-
    Konsert Danjal på Vertshuset kr 150,- / 100,-
    Konsert Ni Liv på Låven kr 200,-
    Barn under 16 år gratis
    Alle andre arrangement er gratis

  •  Me opererer med eigne studentbillettar, og desse får du kjøpe om du kan vise til gyldig studentprov. For konsertane med Dánjal og Ni Liv laurdag kveld gjeld eigne prisar og billettar kjøpaast ved inngangen. Øvrige pørsmål om billettar kan sendast til bokeribo@gmail.com.

Håkken, hårre og hått på Bøker i Bø!

Her kan du sjå kva som skjer under vår rykande ferske litteraturfestival:

Fredag 4. mai

Kl 16:00 – 19:00: Litterær suppestasjon på Restaurant Den Gode Nabo. Fyll magen med deileg suppe før kveldens mange litterære inntrykk!

Kl 17:30 – 18:30: Bø som friby for forfølgde forfattarar på Bø bibliotek.  Marianne Hovdan og Chenjerai Hove fra ICORN  og Ove Gaathaug frå Skien bibliotek fortel meir om kva det vil seie å vere ein friby for forfølgde forfattarar.

Kl 19:00 – 21:00: Opningsfest i Gullbring. Eldrid Lunden, Anne Oterholm, Lina Undrum Mariussen, Aina Villanger, Inger N. Bråtveit, Leif Høghaug, to av årets forfattarstudentar og Telemark strykekvartett bidreg alle til ein verdig opningsfest. Programleiar er Gina Winje.

Kl 21:00 – 23:00: Litterær quiz på Restaurant Den Gode NaboTest dine litterære kunnskapar. 

Kl 21:00 – 23:00: Lanseringsfest for antologien til årets forfattarstudentar i Luna Bar på Bø Hotell. Høyr morgondagens stemmer allereie no. 

kl 23:00 – 01:00: Klubb Luna med DJ Audun Vinger. Mannen bak det svært populære klubbkonseptet, “Contagious” byr opp til dans ut i de seine nattetimar. 

Laurdag 5. mai

Kl 10:00 – 12:00: Opplesning, boksignering, om mat og skrift,  filosofisk hjørne på Akademika. Agnes Ravatn, Øivind Hånes m.fl.

Kl 10:00 – 16:00: Mai-marknad på Bø torg. Auksjon, underhaldning,  bruktbokmarknad, bytting av bøker, lesekrok m.m. 

Kl 12:00 – 13:00: Bokbad med Merethe Lindstrøm på Bø bibliotekÅrets vinnar av Nordisk Råds litteraturpris fortel om eigen skriving. 

Kl 13:30 – 14:30: Lesebolk/forfattarmøte #1 på MeierismugetMona Høvring og Hanne Ørstavik. Programleiar Kaja Marie Lereng Kvernbakken.

Kl 14:30 – 15:30: Lesebolk/forfattarmøte #2 på MeierismugetDag Solstad, Marita Fossum og Ingrid Z. Aanestad. 

Kl 15:30 – 16:30: Lesebolk/Forfattarmøte #3 på Meierismuget. Merete Junker og Vidar Sundstøl. 

Kl 17:00 – 20:00: Litterær suppestasjon og åpen mic på Restaurant Den Gode Nabo. Meir deileg suppe, akkompagnert av opplesing frå Bjørn Esben Almaas, Bård Torgersen, Aina Villanger, Inger N. Bråtveit og dei som ellers måtte ønskje å lette på hjartet.

Kl 20:00 – 22:30: Konsert med Dánjal på Vertshuset i regi av Bø Jazzklubb og Telemarkfestivalen. “Musikken til Dánjal er fra der Klezmer hilser på Tom Waits, Øst-Europa kolliderer med Gambia og tango møter rock i en sfære der musikere fra hele Norden forenes til en unik haug av inntrykk og uttrykk” (Eigen billett).

Kl 22:30 – 01:00: Konsert med Ni Liv på Låven i regi av Sentrumsringen. Bøheringane i Ni Liv vart nominert til Spellemannspris i klassa “country”. Med eit fengande musikalsk bakteppe framførar Ni Liv sine lune kvardagsbetraktningar på ekte Bø-mål. (Eigen billett).

Endringar kan forekome. Billettar til Bøker i Bø på gullbring.no / 35 06 03 90

Merethe Lindstrøm kjem!

Me ønskjer alle ei god påske med den flott nyheita om at den ferske vinnaren av Nordisk Råds litteraturpris, Merethe Lindstrøm kjem til bokbad på Bø bibliotek, laurdag 5. mai.

Akademika og Bø bibliotek kan melde om stor etterspørsel etter den siste romanen hennar, “Dager i stillhetens historie”!